लेखकाबद्दल

नमस्कार. मी श्रीधर इनामदार. मी गणितामध्ये डॉक्टरेट मिळाल्यानंतर आत्ता गणितामध्ये संशोधन करत आहे. सन १९९६ पासूनच माझ्या मनात भारतीय अद्वैत प्रणालीचा आधुनिक जगाला किती उपयोग आहे हे जाणून घ्यायची ओढ लागली. साधारण तेव्हापासूनच मी सद्‍गुरु दादासाहेब सांगवडेकरांच्या सूचनेप्रमाणे ज्ञानेश्वरी वाचायला सुरुवात केली. सन १९९८ला मला सद्‍गुरु दादासाहेब सांगवडेकरांचा अनुग्रह मिळाला व माझी साधना सुरु झाली. ज्ञानेश्वरीमुळे मला जे काही विचार स्फुरलेले आहेत ते एका ठिकाणी लिहून ठेवा म्हणजे ते हवेत विरून जाणार नाहीत अशी सूचना मला ती. संगीता आक्कांकडून मिळाल्यावर मी प्रथम इंग्रजीमध्ये Echoes In Mind हा ब्लॉग लिहायला सुरुवात केली. आता सद्‍गुरुकृपेने मराठीतही लिहीत आहे.

 

आपले माझ्या लिखाणावरचे विचार आपण मला जरूर कळवा. माझी अशी खात्री आहे की मला हे सर्व विचार सद्‍गुरुकृपेनेच सुचलेले आहेत. परंतु माझ्या स्वतःच्या असमर्थपणामुळे ही कृपा मला कितपत कळली आहे ह्याबद्दल मी साशंक आहे. आपल्या सर्वांच्या सूचना मला ज्ञानेश्वरी समजायला उपयुक्त ठरतील म्हणून आपण संकोच न करीता आपल्या सर्व सूचना कळवाव्यात अशी माझी नम्र विनंती आहे. जर ब्लॉगवर comments लिहावसं वाटलं नाही तर आपण मला माझ्या inamdar.s@gmail.com पत्त्यावर e-mail लिहू शकता. मी वाट पाहत आहे!!